୨ ଲକ୍ଷରୁ ଅଧିକ ଟଙ୍କାର କାଠ ଜବତ

ଆଠଗଡ : କଟକ ଜିଲ୍ଲା ଆଠଗଡ଼ ବନଖଣ୍ଡର ନରସିଂହପୁର ରେଞ୍ଜର ପୂର୍ବାଞ୍ଚଳ ଏବଂ ପଶ୍ଚିମାଞ୍ଚଳରେ ଅଚାନକ ଚଢ଼ାଉ କରି ୧୦୭ ସିପଟ କାଠ ଜବତ କରିଛି ଭିଜିଲାନ୍ସ ଟିମ । ଭିଜିଲାନ୍ସର ଏକ ସ୍ୱତନ୍ତ୍ର ଟିମର ଚଢ଼ାଉରେ ନରସିଂହପୁରର ଏକଡ଼ାଳ ଜଙ୍ଗଲ ଏବଂ ଦେବଭୁଇଁ ଜଙ୍ଗଲରେ ଚଢ଼ାଉ କରି ୧୦୭ ସିପଟର ଶାଳ ଏବଂ ସାଗୁଆନ କାଠ ଜବତ କରିଛନ୍ତି । ଯାହାର ଆନୁମାନିକ ମୂଲ୍ୟ ଦୁଇ ଲକ୍ଷ ଟଙ୍କାରୁ ଅଧିକ ହେବ ବୋଲି ଭିଜିଲାନ୍ସ ଇନ୍ସପେକ୍ଟର ବିଜୟ କୁମାର ସେଠୀଙ୍କ ସୂଚନା । ଭିଜିଲାନ୍ସର ରେଡ଼ ପୂର୍ବରୁ କାଠ ମାଫିଆମାନେ ଫେରାର ହୋଇଯିବା ପାଇଁ ସକ୍ଷମ ହୋଇଥିଲେ । ତେବେ ନରସିଂହପୁର ବନାଞ୍ଚଳରେ ବ୍ୟାପକ ଭାବରେ କାଠ ମାଫିଆମାନେ କାଠ ଚୋରି କରି ଜଙ୍ଗଲ କାଟି ସଫା କରି ଦେଉଛନ୍ତି କିନ୍ତୁ ମାଫିଆଙ୍କ ଟେରେପାଉନି ବନ ବିଭାଗ ଏ ନେଇ କ୍ଷୋଭ ପ୍ରକାଶ କରିଛନ୍ତି ପରିବେଶବିତ୍ ଓ ଅଞ୍ଚଳବାସୀ ।