ବଜ୍ରପାତରେ ଜଣେ ମୃତ, ଜଣେ ଗୁରୁତର

ଆନନ୍ଦପୁର : ବିଲରେ କାମ କରୁଥିବା ସମୟରେ ବଜ୍ରପାତ । ଜଣଙ୍କର ମୃତ୍ୟୁ ଘଟିଥିବା ବେଳେ ଅନ୍ୟ ଜଣେ ଗୁରୁତର ଆହତ ହୋଇଛନ୍ତି । ଆନନ୍ଦପୁର ଉପଖଣ୍ଡ ସୋସ ଥାନା ଅଞ୍ଚଳରେ ଘଟିଛି ଏଭଳି ଅଭାବନୀୟ ଘଟଣା । ମୃତକ ସୋସ ଗାଁର ନାଥ ଜେନେ ଓ ଗୁରୁତର ବିଶ୍ବନାଥ ଦାସ । ଉଭୟ ସୋସ ଗ୍ରାମର ହୋଇଥିବା ଜଣାପଡିଛି । ଗୁରୁତର ବିଶ୍ବନାଥଙ୍କୁ ନିକଟସ୍ଥ ଭଦ୍ରକ ଜିଲ୍ଲା ଅଗରପଡା ସ୍ବାସ୍ଥ୍ୟକେନ୍ଦ୍ରରେ ଭର୍ତ୍ତି କରାଯାଇଛି । ଖବରପାଇ ସୋସ ପୋଲିସ ଘଟଣାସ୍ଥଳରେ ପହଞ୍ଚି ମୃତ ବ୍ୟକ୍ତିଙ୍କ ଶବ ବ୍ୟବଚ୍ଛେଦ ପ୍ରକ୍ରିୟା ଆରମ୍ଭ କରିଛି ।