ବିଦ୍ୟୁତ ଆଘାତ ଲାଗି ବୃଦ୍ଧଙ୍କର ମୃତ୍ୟୁ

ସୁବର୍ଣ୍ଣପୁର : ସୁବର୍ଣ୍ଣପୁର ଜିଲ୍ଲା ସଦର ଥାନା ବଲଦାପାଲି ଗାଁରେ ଅଘଟଣ । ବିଦ୍ୟୁତ ଆଘାତ ଲାଗି ବୃଦ୍ଧଙ୍କର ମୃତ୍ୟୁ ହୋଇଛି । ମୃତକ ହେଲେ ପୂର୍ଣ୍ଣଚନ୍ଦ ମଲ୍ଲିକ। ଗାଁ ନିକଟରେ ଥିବା ଏକ ଫାର୍ମ ହାଉସରେ ବିଦ୍ୟୁତ ଲାଗି ମୃତ୍ୟୁ ହୋଇଛି । ପ୍ରତିଦିନ ପରି ସେ ଫାର୍ମ ହାଉସକୁ ଶୋଇବାକୁ ଯାଇଥିଲେ । କିନ୍ତୁ ସକାଳୁ ଉଠିବା ସମୟରେ ଶୋଇବା ଘର ସମ୍ମୁଖରେ ବିଦ୍ୟୁତ ତାର ପଡିଥିଲା । ସେଥିରେ ଲାଗି ତାଙ୍କର ମୃତ୍ୟୁ ହୋଇଛି । ଘଟଣାସ୍ଥଳରେ ତାଙ୍କର ମୃତ୍ୟୁ ହୋଇଯାଇଥିଲା । ସୋନପୁର ସଦର ପୋଲିସ ଘଟଣାସ୍ଥଳରେ ପହଞ୍ଚି ଶବ ଜବତ କରିବା ସହିତ ତଦନ୍ତ ଆରମ୍ଭ କରିଛି ।