ଛତିଶଗଡ଼ର ଭେରମଗଡ଼ ଜଙ୍ଗଲରେ ପୁଲିସ ଏବଂ ନକ୍ସଲ ଗୁଳି ବିନିମୟ

ମାଲକାନଗିରି: ସୀମାନ୍ତ ଛତିଶଗଡ଼ର ଭେରମଗଡ଼ ଜଙ୍ଗଲରେ ପୁଲିସ ଏବଂ ନକ୍ସଲ ମଧ୍ୟରେ ଆଜି ସନ୍ଧ୍ୟାରେ ଗୁଳି ବିନିମୟ ହୋଇଛି। ଏହି ଗୁଳି ବିନିମୟରେ ତିନି ଜଣ ନକ୍ସଲ ମୃତ୍ୟୁବରଣ କରିଥିବା ଜଣାପଡ଼ିଛି। ଘଟଣା ଅନୁଯାୟୀ ଆଜି ସନ୍ଧ୍ୟା ୬ଟା ସମୟରେ ଭେରମଗଡ଼ ଜଙ୍ଗଲରେ ଯବାନ ସର୍ଚ୍ଚ ଅପରେସନ କରୁଥିବା ବେଳେ ନକ୍ସଲ ଅତର୍କିତ ଗୁଳି ଚଳାଇଥିଲେ। ଯବାନ ମଧ୍ୟ ପାଲଟା ଜବାବ ଦେଇଥିଲେ। ଘଟଣାସ୍ଥଳରେ ସର୍ଚ୍ଚ ଅପରେସନ କରୁଥିବା ବେଳେ ଯବାନ ତିନି ଜଣ ମୃତ ନକ୍ସଲଙ୍କ ଶବକୁ ଜବତ କରିଛି। ଏଥିସହ ବନ୍ଧୁକ, ଜୀବନ୍ତ ଗୁଳି, ତିନି କିଲୋ ଓଜନର ବୋମା ଉଦ୍ଧାର କରିଛି। ତେବେ ମୃତ୍ୟୁ ବରଣ କରିଥିବା ନକ୍ସଲମାନେ ହେଲେ ମିଲିଟାରୀ ପ୍ଲାଟୁନ କମାଣ୍ଡର ବିର୍ଜୁ କୋମକେମ, ଜଗା କୋମକେମ ଏବଂ ଅଜୟ ଆୟମେ ବୋଲି ଜଣାପଡ଼ିଛି। ବିର୍ଜୁ ଏବଂ ଜଗା ନାମରେ ସରକାର ୧ ଲକ୍ଷ ଟଙ୍କାର ପୁରସ୍କାର ଘୋଷିତ କରିଥିଲେ