ମନ୍ଦିରରୁ ଲୁଟିନେଲେ ଲକ୍ଷାଧିକ ଟଙ୍କାର ରୂପା ସାମଗ୍ରୀ

କବିସୂର୍ଯ୍ୟନଗର: ଗଞ୍ଜାମ ଜିଲ୍ଲା କବିସୂର୍ଯ୍ୟନଗର ଥାନା ଅନ୍ତର୍ଗତ ଛିନ୍ନମସ୍ତା ମନ୍ଦିରରେ ବଡଧରଣ ଚୋରି । ବୁଧବାର ବିଳମ୍ବିତ ରାତିରେ ମନ୍ଦିରର ମୁଖ୍ୟ ଦ୍ବାର ଭାଙ୍ଗି ଦେବୀଙ୍କୁ ଲାଗି ହୋଇଥିବା ରୁପା ମୁକୁଟ, ଜିଭ, ଆଖି ସହିତ ମନ୍ଦିରର ହୁଣ୍ଡି ଓ କମିଟି କାର୍ଯ୍ୟାଳୟରେ ରହିଥିବା ଆଲମାରୀ ଭାଙ୍ଗି ଲକ୍ଷାଧିକ ଟଙ୍କା ଦୁର୍ବୃତ୍ତମାନେ ଚୋରି କରି ନେଇଇଛନ୍ତି ।ମନ୍ଦିର କମିଟି ପକ୍ଷରୁ ଏକ ମାମଲା କବିସୂର୍ଯ୍ୟନଗର ଥାନାରେ ରୁଜୁ କରାଯାଇଛି । ପୋଲିସ ଘଟଣାସ୍ଥଳରେ ତଦନ୍ତ ଆରମ୍ଭ କରିଛି । ମନ୍ଦିରଟି ଗାଁ ଠାରୁ ବହୁ ଦୂରରେ ରହିଥିବା କାରଣରୁ ଏହାର ସୁଯୋଗ ନେଇ ଦୁର୍ବୃତ୍ତମାନେ କିଛି ମାସ ମଧ୍ୟରେ ଏହି ମନ୍ଦିରରୁ ତିନି ଥର ଚୋରି କରିଲେଣି ।