ପାହାଡରୁ ମିଳିଲା ଅଜଣା ମୃତଦେହ

କରଞ୍ଜିଆ : ମୟୁରଭଞ୍ଜ ଜିଲ୍ଲା ମହୁଲଡିହା ଥାନା ଭାଲିଆଡାଳ ଗାଁ ନିକଟ ଦେଉଳ ପାହାଡରୁ ଅଜଣା ବ୍ୟକ୍ତିଙ୍କ ଗଳିତ ମୃତଦେହ ଉଦ୍ଧାର ହୋଇଛି । ହତ୍ୟା ପରେ ଦୁର୍ବୃତ୍ତମାନେ ପାହାଡରେ ମୃତଦେହ ଫିଙ୍ଗିଚାଲିଥିବା ଅନୁମାନ କରାଯାଉଛି । ସକାଳେ ସ୍ଥାନୀୟ ଲୋକ ମଇଁଷି ଚରାଇବାକୁ ଜଙ୍ଗଲ ଭିତରକୁ ଯାଇଥିବା ସମୟରେ ଦେଉଳ ପାହାଡରେ ଏକ ଗଳିତ ମୃତଦେହ ପଡିଥିବାର ଦେଖିବାକୁ ପାଇଥିଲେ । ପରେ ଏନେଇ ପୋଲିସକୁ ଖବର ଦେଇଥିଲେ ସ୍ଥାନୀୟ ଲୋକେ । ତେବେ ମୃତକଙ୍କ ପରିଚୟ ମିଳିପାରିନି, ପୋଲିସ ଘଟଣାର ଅଧିକ ତଦନ୍ତ କରୁଛି । ମହୁଲଡ଼ିହା ପୋଲିସ ମୃତଦେହକୁ ଜବତ କରି ଅଧିକ ତଦନ୍ତ କରୁଛି ।