ରେଭେନ୍ସା ଛାତ୍ରୀ ପିଜିଟିଭ୍, ପରୀକ୍ଷା ବାତିଲ୍‌

0

କଟକ : ରେଭେନ୍ସା ବିଶ୍ୱବିଦ୍ୟାଳୟର ଜଣେ ଛାତ୍ରୀ କରୋନାରେ ଆକ୍ରାନ୍ତ ଥିବା ଜଣାପଡ଼ିଛି । ଛାତ୍ରୀ ଜଣକ ପଜିଟିଭ୍‌ ଚିହ୍ନଟ ପରେ ଗୁରୁବାର ହେବାକୁ ଥିବା ସ୍ନାତକ ତୃତୀୟ, ପଞ୍ଚମ, ସପ୍ତମ ପରୀକ୍ଷା ଦିନକ ପାଇଁ ବାତିଲ କରି ଦିଆଯାଇଥିବା ପରୀକ୍ଷା ନିୟନ୍ତ୍ରକ ସୁଦର୍ଶନ ମିଶ୍ର ସୂଚନା ଦେଇଛନ୍ତି । ଅନ୍ୟ ସବୁ ପରୀକ୍ଷା ବାତିଲ୍‌ ହେବ କି ନାହିଁ ଏବଂ ବାତିଲ୍‌ ହୋଇଥିବା ପରୀକ୍ଷା କେବେ ହେବ ତାହା ଗୁରୁବାର ସ୍ଥିର କରାଯିବ ବୋଲି ସୂଚନା ମିଳିଛି ।

ସୂଚନା ଅନୁଯାୟୀ, କିଛି ଦିନ ତଳେ ରେଭେନ୍ସାର ଜଣେ ଅତିଥି ଅଧ୍ୟାପକ କରୋନା ପଜିଟିଭ୍‌ ହୋଇଥିବା ଜଣାପଡ଼ିଥିଲା । ସେ ପଢ଼ାଉଥିବା ବିଭାଗକୁ ସାନିଟାଇଜ୍‌ କରାଯିବା ସହିତ ଉକ୍ତ ବିଭାଗକୁ ୭ ଦିନ ପାଇଁ ବନ୍ଦ କରାଯାଇଥିଲା । ଏହା ସହିତ ଉକ୍ତ ବିଭାଗର ଅନ୍ୟ ଅଧ୍ୟାପକ ଅଧ୍ୟାପିକା ଏବଂ ପ୍ରଫେସରଙ୍କୁ ସଙ୍ଗରୋଧରେ ରହିବାକୁ ପରାମର୍ଶ ଦିଆଯାଇଥିଲା । ଆଜି ୧୦୦ରୁ ଊଦ୍ଧ୍ୱର୍ ଛାତ୍ରଛାତ୍ରୀଙ୍କର କରୋନା ପରୀକ୍ଷା କରାଯାଇଥିଲା । ସେଥିମଧ୍ୟରୁ ଜଣେ ଛାତ୍ରୀ କରୋନା ପଜିଟିଭ୍‌ ହୋଇଛନ୍ତି । ତାଙ୍କୁ ସେ ରହୁଥିବା ହଷ୍ଟେଲରେ ସଙ୍ଗରୋଧରେ ରଖାଯାଇଛି । କିନ୍ତୁ ଏହାକୁ ସେହି ହଷ୍ଟେଲରେ ରହିଥିବା ଅନ୍ୟ ଛାତ୍ରୀମାନେ ବିରୋଧ କରିଛନ୍ତି । ଯାହାକୁ ନେଇ ସେହି ହଷ୍ଟେଲରେ ରହିଥିବା ଅନ୍ୟ ଛାତ୍ରୀମାନେ ଭୟଭୀତ ଅବସ୍ଥାରେ ଥିବାବେଳେ ତାଙ୍କୁ ଅନ୍ୟତ୍ର ସଙ୍ଗରୋଧରେ ରଖିବାକୁ ଦାବି କରିଛନ୍ତି । ହେଲେ ବୁଧବାର ସନ୍ଧ୍ୟାରେ ଛାତ୍ରୀ ଜଣକ କରୋନା ଆକ୍ରାନ୍ତ ଥିବା ଜଣାପଡ଼ିଥିବାରୁ କୌଣସି ବ୍ୟବସ୍ଥା ହୋଇନାହିଁ। ତେଣୁ ତାଙ୍କୁ ସେହି ହଷ୍ଟେଲରେ ଆଇସୋଲେସନ୍‌ରେ ରଖାଯାଇଛି । ଆଜି ତାଙ୍କୁ ସଙ୍ଗରୋଧରେ ରଖାଯିବ ବୋଲି କୁଳସଚିବ ଡ. ଭକ୍ତ ଚରଣ ପ୍ରଧାନ କହିଛନ୍ତି ।

Leave A Reply

Your email address will not be published.