ଟ୍ରେନ୍ ଧକ୍କାରେ ୩ ଶ୍ରମିକଙ୍କ ମୃତ୍ୟୁ

0

ବ୍ରହ୍ମପୁର : ଟ୍ରେନ୍ ଧକ୍କାରେ ୩ ଶ୍ରମିକଙ୍କ ମୃତ୍ୟୁ ହୋଇଛି । ବ୍ରହ୍ମପୁର ଉପକଣ୍ଠ ହଳଦିଆପଦର ଲେବଲ କ୍ରସିଂ ନିକଟରେ ମର୍ମନ୍ତୁଦ ଦୁର୍ଘଟଣା ଘଟିଛି । ଅଳ୍ପକେ ବର୍ତ୍ତିଯାଇଛନ୍ତି ଅନ୍ୟ ୪ ଜଣ ଶ୍ରମିକ । ଲେବଲ କ୍ରସିଂ ପାର ହେଉଥିବା ବେଳେ ଧକ୍କା ଦେଇଥିଲା ଟ୍ରେନ୍ । ରବିବାର ବିଳମ୍ବିତ ରାତିରେ ବିଶାଖା-ଟାଟା ନଗର ଡାଉନ୍ ଟ୍ରେନ୍ ଦୁର୍ଘଟଣାଗ୍ରସ୍ତ ହୋଇଛି । ମୃତାହତଙ୍କ ପରିଚୟ ମିଳିନଥିବା ବେଳେ ସମସ୍ତେ ରାଜ୍ୟ ବାହାରର ବୋଲି ଜଣାପଡିଛି । ଘଟଣା ସମୟରେ ଲେବଲ କ୍ରସିଂ ଗେଟରେ କାର୍ଯ୍ୟରତ ରେଳ କର୍ମଚାରୀ ଅନ୍ୟ ୪ ଜଣଙ୍କୁ ଅଟକାଇଥିଲେ। ତେବେ ସୁଯୋଗ ନେଇ ସେମାନେ ସେଠାରୁ ଚାଲିଯାଇଥିବା ଜଣାପଡିଛି । ବ୍ରହ୍ମପୁର ରେଲୱେ ପୋଲିସ ଘଟଣାସ୍ଥଳରେ ପହଞ୍ଚି ୩ଟି ମୃତଦେହ ଜବତ କରି ତଦନ୍ତ ଆରମ୍ଭ କରିଛି ।

Leave A Reply

Your email address will not be published.